بانكی ناوەندی رێژەی خستنەڕوی دۆلاری راگەیاند

بانكی ناوەندی عێراق ئەمڕۆ سێشەممە زیاتر لە 195 ملیۆن دۆلاری خستنەبازاڕەوە و بەهای دۆلاریش بەرامبەر بەدینار لەبازاڕەكانی ئاڵوگۆڕی دراو گۆڕانكاری بەسەرهات و بەهاكەی دابەزی.

ئەمڕۆ سێشەممە بانكی ناوەندی عێراق رێژەی خستنەڕوی راگەیاند كە 195 ملیۆن و 979 هەزار و 697 دۆلاری خستۆتەبازاڕەوە، كە 38 ملیۆن و 120 هەزار دۆلار دۆلاری بەشێوەی كاش و157 ملیۆن و 858 هەزار و 697 دۆلار دۆلاریشی بەشێوەی حەواڵەیە.

بەهای 100 دۆلار بەرامبەرە بە 154 هەزار دینار

بەگوێرەی ئەو زانیاریانەی لەبازاڕی دۆلارەكەی سلێمانیەوە بە خەندان دراون، بەیانی ئەمڕۆ لەكاتی كردنەوەی بازاڕەكانی ئاڵوگۆڕی دراو بەهای 100 دۆلار بەرامبەر بو بە 154 هەزار و 150 دینار، بەڵام لەئێستادا بەهاكەی دابەزیوە و بەجۆرێك بەهای 100 دۆلار بەرامبەرە بە 154 هەزار دینار.

ئێوارەی دوێنێ لەكاتی داخستنی بازاڕەكانی ئاڵوگۆڕی دراو بەهای 100 دۆلار بەرامبەر بو بە 154 هەزار و 100 دینار.

دوێنێ بانکی ناوەندی عێراق 195 ملیۆن و 440 هەزار و 480 دۆلاری خستەبازاڕەوە كە بڕی 170 ملیۆن و 410 هەزار و 480 دۆلاری بەشێوەی حەواڵە، هەروەها 25 ملیۆن و 30 هەزار دۆلاریش بەشێوەی كاش بو.

نرخی نەوت لەبازاڕەكانی ئەمڕۆ چوارشەممە جارێكی دیكە بەرزبونەوەی بەخۆوە بینی، دوای ئەوەی داتاكانی پیشەسازی دابەزینی بەرچاوی كۆگاكانی نەوتی خاویان لە ئەمریكا دەرخست كە گەورەترین بەكارهێنەری سوتەمەنی جیهانە و لە كاتێكدا نیگەرانییەكان لە بارەی زریانێك لە كەنداوی مەكسیك وەبەرهێنەرانی لە دودڵیدا هێشتەوە.

بەگوێرەی بۆرسەی جیهانی وزە، ئەمڕۆ نرخی نەوتی خاوی برێنت 28 سەنت بەرزبۆوە كە دەكاتە 0.33% و تا گەیشتە 85.77 دۆلار، هەروەها نرخی بەرمیلێك نەوتی خاوی ڕۆژئاوای تەكساس 40 سەنت بەرزبۆوە كە دەكاتە 0.49% و گەیشتە 81.56 دۆلار.

كۆی نەوتی خاوی ئەمریكا نزیكەی 11.5 ملیۆن بەرمیل دابەزیوە

بەپێی سەرچاوەكانی بازاڕ، بە پشتبەستن بە ئامارەكانی دامەزراوەی نەوتی ئەمریكی ڕۆژی سێشەممە، لە هەفتەی كۆتایی هاتنی 25ی (ئاب/8)ی ئەمساڵ، كۆی نەوتی خاوی ئەمریكا نزیكەی 11.5 ملیۆن بەرمیل دابەزیوە.

وەبەرهێنەران گرێبەستی ئایندەیان كڕیوە لەسەر نیگەرانییەكانی دەوروبەری زریانی ئەدالیا

وەبەرهێنەران گرێبەستی ئایندەیان كڕیوە لەسەر نیگەرانییەكانی دەوروبەری زریانی ئەدالیا كە خەریكە كەنداوی مەكسیك بەرەو ڕۆژهەڵاتی شوێنە گەورەكانی بەرهەمهێنانی نەوت و غازی سروشتی لە ئەمریكا دەگرێتەوە.

بەپێی ڕاپۆرتی ئیدارەی زانیاری وزە (EIA)، كەنداوی دەریایی مەكسیك نزیكەی 15%ی بەرهەمهێنانی نەوتی ئەمریكا و نزیكەی 5%ی بەرهەمهێنانی گازی سروشتی پێكدەهێنێت.

كۆمپانیای شیڤرۆنی نەوتی بەشێك لە كارمەندەكانی لە ناوچەكە چۆڵكردوە، بەڵام بەرهەمهێنان لە شوێنەكانی لە كەنداوی مەكسیك بەردەوامە.