بانكی ناوەندی نزیكه‌ی 200 ملیۆن دۆلاری خسته‌بازاڕه‌وه‌

بانكی ناوەندی عێراق ئەمڕۆ سێشه‌ممه‌ زیاتر له‌ 199 ملیۆن دۆلاری خستنەبازاڕەوە، بەهای دۆلاریش بەرامبەر بەدینار لەبازاڕەكانی ئاڵوگۆڕی دراو گۆڕانكاری بەسەرهات و به‌های 100 دۆلار به‌رامبه‌ره‌ به‌ 163 هه‌زار دینار.

ئەمڕۆ سێشه‌ممه‌ بانكی ناوەندی عێراق رێژەی خستنەڕوی راگەیاند كە 199 ملیۆن و 63 هەزار و 829 دۆلاری خستۆتەبازاڕەوە، كە 26 ملیۆن و 540 هەزار دۆلاری بەشێوەی كاش 172 ملیۆن و 523 هەزار و 829 دۆلار دۆلاریشی بەشێوەی حەواڵەیه‌.

بەهای 100 دۆلار بەرامبەرە بە 163 هەزار دینار

بەگوێرەی ئەو زانیاریانەی لەبازاڕی دۆلارەكەی سلێمانیەوە بە خەندان دراون، بەیانی ئەمڕۆ لەكاتی كردنەوەی بازاڕەكانی ئاڵوگۆڕی دراو بەهای 100 دۆلار بەرامبەر بو بە 164 هەزار دینار، بەڵام لەئێستادا بەهاكەی دابه‌زیوه‌، بەجۆرێك بەهای 100 دۆلار بەرامبەرە بە 163 هەزار دینار.

ئێوارەی دوێنێ لەكاتی داخستنی بازاڕەكانی ئاڵوگۆڕی دراو بەهای 100 دۆلار بەرامبەر بو بە 160 هەزار و 750 دینار.

به‌یانی ئه‌مڕۆ سێشه‌ممه‌ له‌گه‌ڵ كردنه‌وه‌ی بازاڕه‌كانی ئاڵوگۆڕی دراو، به‌های دۆلار به‌شێوه‌یه‌كی به‌رچاو به‌رامبه‌ر به‌دیناری عێراقی به‌رزبۆوه‌، به‌جۆرێك به‌های 100 دۆلار به‌رامبه‌ره‌ به‌ 163 هه‌زار دینار.

به‌گوێره‌ی ئه‌و زانیاریانه‌ی له‌بازاڕی دۆلاره‌كه‌ی سلێمانیه‌وه‌ به‌ خه‌ندان دراون، به‌یانی ئه‌مڕۆ له‌گه‌ڵ كردنه‌وه‌ی بازاڕه‌كان به‌های دۆلار به‌رامبه‌ر به‌دینار به‌رزبونه‌وه‌ی به‌خۆوه‌ بینیوه‌ و به‌های 100 دۆلار به‌رامبه‌ره‌ به‌ 163 هه‌زار دینار.

یه‌كێك له‌ هۆكاره‌كان بۆ لاوازی و نه‌بونی گرنگی بڕیاره‌كانی بانكی ناوه‌ندی عێراق ده‌گه‌ڕێته‌وه‌

له‌لایه‌كی دیكه‌شه‌وه‌، یه‌كێك له‌ مامه‌ڵه‌كارانی دراو له‌ بازاڕی دۆلاره‌كه‌، هۆكاری سه‌ره‌كی به‌رزبونه‌وه‌ی به‌های دۆلار به‌رامبه‌ر به‌دیناری عێراقی بۆ لاوازی و نه‌بونی گرنگی بڕیاره‌كانی بانكی ناوه‌ندی عێراق گه‌ڕانده‌وه‌ كه‌ به‌ئامانجی كۆنتڕۆڵكردنی به‌های دۆلار ده‌ریكردون.

هیچكام له‌بڕیاره‌كان ره‌نگدانه‌وه‌یان له‌سه‌ر دۆخی بازاڕه‌كان نه‌بوه‌

ئه‌و مامه‌ڵه‌كاره‌ ئاشكراشیكرد، بانكی ناوه‌ندی له‌ماوه‌ی رابردودا و به‌مه‌به‌ستی كۆنتڕۆڵكردنی به‌های دۆلار به‌رامبه‌ر به‌دینار ژماره‌یه‌ك بڕیاری ده‌ركردوه‌، به‌ڵام هیچكام له‌بڕیاره‌كان ره‌نگدانه‌وه‌یان له‌سه‌ر دۆخی بازاڕه‌كان نه‌بوه‌ و به‌شێكیشیان به‌ته‌واوی نه‌خراونه‌ته‌ بواری جێبه‌جێكردنه‌وه‌، به‌تایبه‌ت پێدانی دۆلار به‌ بازرگانان به‌نرخی فه‌رمی.

ئێواره‌ی دوێنێ له‌كاتی داخستنی بازاڕه‌كانی ئاڵوگۆڕی دراو به‌های 100 دۆلار به‌رامبه‌ر بو به‌ 160 هه‌زار و 550 دینار، به‌ڵام ئه‌مڕۆ جارێكی دیكه‌ به‌رزبونه‌وه‌ی به‌خۆوه‌ بینیوه‌ له‌كاتێكدا بانكی ناوه‌ندی هه‌ر 100 دۆلارێك به‌ 132 هه‌زار دینار ده‌خاته‌بازاڕه‌وه‌.